ຍິນດີຕ້ອນນຮັບທ່ານເຂົ້າສູ່ເວບໄຊສ ຄະນະໂຄສະນາອົບຮົມແຂວງຊຽງຂວາງ                                                                            

ຄະນະໂຄສະນາອົບຮົມແຂວງເປີດຝຶກອົບຮົມວຽກງານສັງລວມຫາງສຽງສັງຄົມ

       ໃນວັນທີ 28 ມິຖຸນາ 2021 ຜ່ານມານີ້, ຄະນະໂຄສະນາອົບຮົມແຂວງຊຽງຂວາງສົມທົບກັບຄະນະໂຄສະນາອົບຮົມສູນກາງພັກ ເປີດຊຸດຝຶກອົບຮົມວຽກງານສັງລວມ-ຫາງສຽງສັງຄົມຂຶ້ນ ຢູ່ທີ່ຫ້ອງປະຊຸມໃຫຍ່ຂອງຫ້ອງວ່າການແຂວງ ໂດຍພາຍໃຕ້ການເປັນປະທານຂອງທ່ານ

ຄອນສະໝຸດ ບຸນແພງພັນ ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງ, ເປັນກຽດເຂົ້າຮ່ວມຂອງທ່ານ ນາງ ບຸນມາລີ ສິລິດາວົງ ຮອງຫົວໜ້າກົມສັງລວມ, ຄະນະໂຄສະນາອົບຮົມສູນກາງພັກ, ມີບັນດານັກສໍາມະນາກອນທີ່ມາຈາກພະແນກການອ້ອມຂ້າງແຂວງ ແລະ ສອງກອງບັນຊາການ ປກຊ-ປກສ ເຂົ້າຮ່ວມທັງໝົດ 32 ທ່ານ; ຍິງ 4 ທ່ານ.

ພິທີດັ່ງກ່າວໄດ້ໄຂຂຶ້ນຢ່າງເປັນທາງການໃນເວລາ 8 ໂມງ 30 ນາທີຂອງວັນທີ 28 ມິຖຸນາ 2021 ໃນການຝຶກອົບຮົມໃນຄັ້ງນີ້, ໄດ້ເໜັ້ນໜັກການເພີ່ມທະວີວຽກງານຕິດຕາມ, ເກັບກໍາສະພາບແນວຄິດຫາງສຽງສັງຄົມໃນໄລຍະໃໝ່ ແລະ ໄດ້ຮັບຟັງການບັນລະຍາຍເອກະສານວຽກງານສັງລວມຫາງສຽງສັງຄົມ, ລວມມີ 4 ບົດຄື: ບົດທີ 1 ບັນຫາພື້ນຖານກ່ຽວກັບວຽກງານຫາງສຽງສັງຄົມ, ບົດທີ 2 ວິທີການເກັບກໍາ ແລະ ນໍາໃຊ້ຫາງສຽງສັງຄົມເຂົ້າໃນວຽກງານການເມືອງແນວຄິດ, ບົດທີ 3 ຕາໜ່າງເພື່ອນຮ່ວມງານ, ບົດທີ 4 ວຽກງານຄົ້ນຄວ້າສັງລວມ; ໃນການຝຶກອົບຮົມໃນຄັ້ງນີ້ ຍັງໄດ້ຄົ້ນຄວ້າແລກປ່ຽນບັນຫາທີ່ກ່ຽວຂ້ອງກັບບັນດາເຫດການ, ປະກົດການທີ່ເກີດຂຶ້ນຢູ່ໃນສັງຄົມເພື່ອມາແລກປ່ຽນສົນທະນາ, ເຮັດໃຫ້ຜູ້ເຂົ້າຮ່ວມຝຶກອົບຮົມມີຄວາມຮັບຮູ້ ແລະ ເຂົ້າໃຈກ່ຽວກັບບັນຫາພື້ນຖານຂອງວຽກງານຫາງສຽງສັງຄົມ, ໂດຍສະເພາະແມ່ນຫຼັກການ ແລະ ທິດນໍາໃນການເຮັດວຽກງານຫາງສຽງສັງຄົມ; ຄວາມໝາຍ, ຄວາມສໍາຄັນ ແລະ ຄວາມແຕກຕ່າງລະຫວ່າງຫາງສຽງສັງຄົມກັບຂ່າວລື; ເປັນການຍົກລະດັບພາລະບົດບາດ, ປະສົບການໃນການປະຕິບັດໜ້າທີ່ວຽກງານສັງລວມຫາງສຽງສັງຄົມໃຫ້ມີປະສິດທິຜົນ, ຜ່ານຈາກການຝຶກອົບຮົມສາມາດປະເມີນຄວາມຮັບຮູ້, ຄວາມເຂົ້າໃຈຂອງນັກສໍາມະນາກອນຈາກແບບຟອມປະເມີນໄດ້ 95%.

ໃນຕອນທ້າຍຂອງການຝຶກອົບຮົມ ທ່ານ ໜໍບີ ຫາຕົງປາວ ຮອງເລຂາພັກແຂວງ, ຜູ້ຊີ້ນໍາວຽກງານການເມືອງແນວຄິດຂັ້ນແຂວງ, ໄດ້ໃຫ້ກຽດມອບໃບຢັ້ງຢືນໃຫ້ແກ່ນັກສໍາມະນາກອນ ແລະ ທ່ານຍັງໄດ້ໃຫ້ກຽດໂອ້ລົມເຊິ່ງທ່ານໄດ້ເໜັ້ນໜັກເຖິງ ຄວາມສໍາຄັນຂອງວຽກງານສັງລວມຫາງສຽງສັງຄົມ ແລະ ຮຽກຮ້ອງໃຫ້ບັນດານັກສໍາມະນາກອນທີ່ເຂົ້າຝຶກອົບຮົມໃນຄັ້ງນີ້ນໍາເອົາຄວາມຮູ້ ແລະ ປະສົບການທີ່ໄດ້ຮຽນມາໄປໝູນໃຊ້ເຂົ້າໃນວຽກງານ. ການຝຶກອົບຮົມໃນຄັ້ງນີ້ແມ່ນໄດ້ດໍາເນີນມາເປັນເວລາ 2 ວັນເຕັ້ມ ແລະ ໄດ້ປິດລົງຢ່າງເປັນທາງການ ໃນເວລາ 16 ໂມງ 00 ນາທີ ຂອງວັນທີ 29 ມິຖຸນາ 2021.

ໂດຍ: ສີຍອງ ພອນ

ວີດີໂອ....

ເລກໂທ ສຸກເສີນ

ແຈ້ງໄຟໄໝ້:   1119
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

                                                           

 

               

 

ຈຳນວນຄົນອອນໄລ໌ທ

ມີ 34  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

102828
ມື້ນີ້ມື້ນີ້33
ມື້ວານນີ້ມື້ວານນີ້62
ອາທິດນີ້ອາທິດນີ້257
ເດືອນນີ້ເດືອນນີ້1719
ທັງໝົດທັງໝົດ102828