ຍິນດີຕ້ອນນຮັບທ່ານເຂົ້າສູ່ເວບໄຊສ ຄະນະໂຄສະນາອົບຮົມແຂວງຊຽງຂວາງ                                                                            

ຮອງຫົວໜ້າຄະນະໂຄສະນາອົບຮົມສູນກາງພັກຢ້ຽມຢາມແລະເຮັດວຽກຢູ່ແຂວງຊຽງຂວາງ.

ໃນວັນທີ 17-18 ມິນາ 2022 ຜ່ານມານີ້ທ່ານ ລາວປາວຊົງ ນະວົງໄຊ ກໍາມະການສູນກາງພັກ, ຮອງຫົວໜ້າຄະນະໂຄສະນາອົບຮົມສູນກາງພັກພ້ອມຄະນະໄດ້ເຄື່ອນໄຫວຢ້ຽມຢາມ, ພົບປະໂອ້ລົມ ແລະ ເຮັດວຽກຢູ່ແຂວງຊຽງຂວາງ ໂດຍໃຫ້ກຽດຕ້ອນຮັບຂອງທ່ານ ໜໍບີ ຫາຕົງປາວ ຮອງເລຂາພັກແຂວງ, ຜູ້ຊີ້ນໍາວຽກງານການເມືອງ-ແນວຄິດຂັ້ນແຂວງ ແລະ ທ່ານ ນາງ ພວງພະຈັນ ມູນທະວົງ, ກໍາມະການພັກແຂວງ, ຫົວໜ້າຄະນະໂຄສະນາອົບຮົມແຂວງພ້ອມດ້ວຍຄະນະພັກ, ຄະນະໂຄສະນາອົບຮົມແຂວງ ແລະ ສະມາຊິກພັກ, ພະນັກງານ-ຖະກອນດ້ວຍບັນຍາກາດອັນອົບອຸ່ນ.

      

    ໃນໂອກາດດັ່ງກ່າວ ທ່ານ ນາງ ພວງພະຈັນ ມູນທະວົງກໍ່ໄດ້ລາຍງານສະພາບການຈັດຕັ້ງປະຕິບັດໜ້າທີ່ວຽກງານວິຊາສະເພາະໃນໄລຍະຜ່ານມາ, ຄະນະໂຄສະນາອົບຮົມແຂວງໃນນາມເປັນເສນາທິການໃຫ້ແກ່ຄະນະປະຈໍາພັກແຂວງ ໃນການເຮັດວຽກງານສຶກສາອົບຮົມການເມືອງ-ແນວຄິດທົ່ວແຂວງ, ໄດ້ຊີ້ນໍາ-ນໍາພາຈັດຕັ້ງເຊື່ອມຊຶມ ແລະ ຜັນຂະຫຍາຍມະຕິ, ຄໍາສັ່ງ, ຄໍາແນະນໍາຂອງພັກເຂົ້າສູ້ວຽກງານຕົວຈິງໂດຍຕິດພັນກັບການຜັນຂະຫຍາຍເນື້ອໃນມະຕິກອງປະຊຸມໃຫຍ່ຄັ້ງຂອງອົງຄະນະພັກແຕ່ລະຂັ້ນ, ມະຕິກອງປະຊຸມຄົບຄະນະບໍລິຫານງານສູນກາງພັກທີ່ໄດ້ວາງອອກໃນແຕ່ລະໄລຍະຢ່າງເປັນຂະບວນຟົດຟື້ນ; ເພື່ອຍົກສູງຄຸນນະພາບຂອງວຽກງານການເມືອງ-ແນວຄິດ ແລະ ການເພີ່ມທະວີການນໍາພາຂອງພັກຕໍ່ວຽກງານວັດທະນະທໍາໃນໄລຍະໃໝ່; ນອກຈາກນັ້ນຄະນະພັກແຕ່ລະຂັ້ນໄດ້ພ້ອມກັນເອົາໃຈ ໃສ່ຊີ້ນໍາ - ນໍາພາຈັດຕັ້ງຜັນຂະຫຍາຍເຂົ້າສູ້ວຽກງານຕົວຈິງໂດຍຫັນເອົາມະຕິ, ຄໍາສັ່ງ, ຄໍາແນະນໍາ ຂອງຄະນະພັກແຕ່ລະຂັ້ນມາເປັນແຜນການ, ໂຄງການເຄື່ອນໄຫວລະອຽດຕິດພັນກັບພາລະບົດບາດ, ສິດ ແລະ ໜ້າທີ່ວຽກງານຂອງຕົນ; ພະນັກງານທີ່ເຮັດວຽກງານໂຄສະນາອົບຮົມນັບທັງແຂວງ ແລະ ເມືອງແມ່ນມີແນວຄິດອຸ່ນອ່ຽນທຸ່ນທ່ຽງ, ເຊື້ອໝັ້ນຕໍ່ການນໍາພາຂອງພັກ, ຂອງລັດ.

ໃນໂອກາດນີ້ທ່ານ ຮອງຫົວໜ້າຄະນະໂຄສະນາອົບຮົມສູນກາງພັກກໍໄດ້ຍ້ອງຍໍຊົມເຊີຍຕໍ່ຜົນງານທີ່ຄະນະໂຄສະນາອົບຮົມແຂວງທີ່ໄດ້ຈັດຕັ້ງປະຕິບັດໜ້າທີ່ວຽກງານໃນໄລຍະຜ່ານມາ ແລະ ທ່ານຍັງໄດ້ເນັ້ນໜັກໃຫ້ການນໍາແຂວງ, ຄະນະໂຄສະນາອົບຮົມແຂວງເອົາໃຈໃສ່ສືບຕໍ່ເຮັດວຽກງານສຶກສາອົບຮົມການເມືອງ-ແນວຄິດໃຫ້ສະມາ ຊິກພັກ, ພະນັກງານ-ລັດຖະກອນ ແລະ ປະຊາຊົນບັນດາເຜົ່າເຂົ້າໃຈຢ່າງເລິກເຊິ່ງຕໍ່ແນວທາງ, ນະໂຍບາຍຂອງພັກ, ສ້າງຄວາມສາມັກຄີເປັນປຶກແຜ່ນ, ແໜ້ນໜາໃນທົ່ວປວງຊົນ, ຍົກສູງການຊີ້ນໍາ - ນໍາພາ, ແກ້ໄຂປະກົດການຫຍໍ້ທໍ້ ແລະ ເປັນແບບຢ່າງທີ່ດີໃຫ້ແກ່ມະຫາຊົນ, ຕ້ອງມີຄວາມເປັນເອກະພາບພາຍໃນພັກ, ຮັກສາຄວາມສາມັກຄີມີການຕິຊົມກໍ່ສ້າງເຊິ່ງກັນ ແລະ ກັນ, ເຮັດວຽກໃຫ້ມີແຜນງານ ແລະ ມອບໝາຍໃຫ້ບຸກຄົນຢ່າງລະອຍດຈະແຈ້ງ; ສ້າງອຳນວຍຄວາມສະດວກອັນທີ່ຈຳເປັນໃຫ້ແກ່ວຽກງານການເມືອ-ແນວຄິດ ໃຫ້ສາມາດດຳເນີນໄປຢ່າງຄ່ອງຕົວເປັນຕົ້ນແມ່ນດ້ານງົບປະມານ, ພາຫະນະ ແລະ ວັດຖຸເຕັກນິກທີ່ທັນສະໃໝໃນນາມເປັນເສນາທິການໃຫ້ແກ່ຄະນະພັກຂັ້ນເທິງຂອງຕົນໃຫ້ສາມາດຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີ່ການເມືອງໃນໄລຍະໃໝ່ ແລະ ສາມາດໂຄສະນາສຶກສາອົບຮົມຢ່າງສະໝໍ່າສະເໝີຕາມເງື່ອນໄຂ, ສະພາບຄວາມເປັນຈິງ ແລະ ທ່າແຮງເທື່ອລະກ້າວຢ່າງມີປະສິດທິຜົນ, ເຮັດໃຫ້ວຽກງານດັ່ງກ່າວມີບົດບາດສູງເດັ່ນໃນເວລທີຕ່າງໆ ແລະ ເປັນວຽກແຖວໜ້າຂອງອົງການຈັດຂອງພັກ, ຂອງລັດ ແລະ ອົງການຈັດຕັ້ງສັງຄົມ, ໃນນີ້ ທ່ານ ຮອງຫົວໜ້າຄະນະໂຄສະນອົບຮົມສູນກາງພັກຍັງມອບເອກະສານການເຊື່ອມຊຶມ ແລະ ຜັນຂະຫຍາຍກອງປະຊຸມໃຫຍ່ຄັ້ງທີ XI ຂອງພັກ, ອຸປະກອນຮັບໃຊ້ຕ້ານພະຍາດໂຄວິດ-19 ເພື່ອນໍາໃຊ້ເຂົ້າໃນການຈັດຕັ້ງປະຕິບັດໜ້າທີ່ວຽກງານຂອງຕົນ.

                                                                   ໂດຍ: ກອງສີ ພາສະຫວັດ

ວີດີໂອ....

ເລກໂທ ສຸກເສີນ

ແຈ້ງໄຟໄໝ້:   1119
ຕຳຫຼວດ:       1191
ລົດໂຮງໝໍ:    1195
ໄຟຟ້າ:          1199
ນໍ້າປະປາ:      1169

                                                           

 

               

 

ຈຳນວນຄົນອອນໄລ໌ທ

ມີ 10  ຂາສັນຈອນ ແລະ ບໍ່ມີສະມາຊິກອອນໄລນ໌ ອອນໄລນ໌

ສະຖິຕິຜູ້ເຂົ້າຊົມ:

127724
ມື້ນີ້ມື້ນີ້0
ມື້ວານນີ້ມື້ວານນີ້35
ອາທິດນີ້ອາທິດນີ້461
ເດືອນນີ້ເດືອນນີ້1287
ທັງໝົດທັງໝົດ127724